கண்கள் கலங்கவில்லை !!
கண்ணில் இனி ஈரமில்லை...
இது காட்சியா
அல்ல நமது வீழ்ச்சியா??
இருப்பவர் சுவைத்து போக
எஞ்சிய அமிர்தம் என
பசித்தவர் எடுத்துப்போக
பிஞ்சதன் நெஞ்சம்
இங்கு கெஞ்சிடும்
காட்சி என்ன:::
ஊனில் துளையெடுத்து
உதிரம் தனை குடித்து
துடியாய் துடிப்பதுபோல்
நெஞ்சம் துடிப்பதென்ன
கண்கள் மறைப்பதென்ன
இதுவும்
உன் விளையாட்டென்றால்
இறைவா நிறுத்திவிடு
இல்லை
எனை
சிதடனாய் மாற்றிவிடு
- தனஞ்சயன்
ஒரு கலியுக விந்தை
இறைவனின் யுக படைப்பில்
அறிவிருந்தால் பொருளில்லை
பொருளிருந்தால் குணமில்லை
குணமிருந்தால் வாழ்வில்லை
துன்பமெல்லாம் "கர்மா" என்றால்
நல்லவர்க்கு துன்பம் ஏன்??
காணாத பிறவியில்
செய்ததும் பலிக்குமோ?
வீணான இப்பிறவி...
இப்பிறவி பாவமெல்லாம்
வரும் பிறவி சாபமென்றால்...
தெரியாத ஊருக்கு
புரியாத வழியன்றோ?.
முற்பிறப்பும் அறிந்ததில்லை
மறுபிறப்பும் புரிவதில்லை
இப்பிறப்பில் செய்தவினை
இப்பிறப்பில் கூடுமென
செப்பிடாத இறைவனவன்
இருந்தென்ன மாய்ந்தென்ன?
நீ
உண்டென்றால் விதி மாற்று
இல்லை
இல்லையென கூறிச்செல்..
நீ ஆதியோ அந்தமோ
நீதியை காட்டிச்செல்
புரியாத கணக்குகளை
தெரியாமல் அழித்துவிடு
- தனஞ்சயன்
